Në një intervistë ekskluzive për InDoks, viktima e grupit kriminal të fajdeve “Fajdexhinjtë Gërbeshi”, ka treguar se si ky klan mafioz kishin kërkuar t’ia blinin shtëpinë me çmim përgjysmë më lirë.
Sipas rrëfimit të tij, të dhënë ekskluzivisht për InDoks, Fajdexhinjtë Gërbeshi i kishin vënë syrin shtëpisë së këtij personi që e targetuan si viktimë. Shtëpia e tij tash vlen afro 300 mijë euro, por donin që t’ia merrnin veç për 150 mijë, pjesa më e madhe e tyre borxh për fajde.
“Unë 2004-2005 i pata marr pak pare aty tani 1 muj nuk mujt me ja kthy edhe ata vazhduan me procedura shumë të rrepta me fajde. Për 3000-4000 mijëra euro , tani masanej u detyrohesha me ja kthy 25 mijë euro për pak muaj. 25 mijë euro i kisha vetëm të një që i kishin ndërru prej Llapi., 25 mijë euro pa ra në burg ia patë paguar vëllai për mu tek pompa e benzines , “Sheriff Pentrolli” , ka thënë viktima për InDoks që nuk ka dashur ta zbulojë identitetin.
