Frika nga Rusia nxit krijimin e ushtrisë europiane

Frika se Rusia do të sulmojë Europën dhe paralajmërimet e Donald Trumpit se Shtetet e Bashkuara nuk do të mbrojnë aleatët që kontribuojnë më pak detyron liderët europianë të mendojnë seriozisht për një ushtri të përbashkët të unionit. Në Konferencën për Sigurinë në Mynih, presidentja e Komisionit Europian Ursula von der Leyen foli për plane konkrete.

Ursula Von Der Leyen: Bashkimi Europian duhet të ngrejë themelet industrinë e mbrojtjes, pa asnjë diskutim. Nëse zgjidhem sërish presidente e komisionit do të emëroj një Komisioner për Mbrojtjen. Mendoj se ka arsye.

Në të njëjtën linjë është edhe kancelari gjerman Olaf Sholc.

Olaf Scholz: Ne europianët duhet të marrim më tepër në dorë sigurinë tonë, tani dhe në të ardhmen.

Propozimet që BE-ja të ketë ushtri me armë bërthamore nuk i pëlqejnë sekretarit të përgjithshëm të NATO-s.

Jens Stoltenberg: Ne kemi Shtetet e Bashkuara, Britaninë e Madhe dhe Francën si fuqi bërthamore. Zhvillimi i një mbrojtjeje bërthamore paralele nuk sjell dobi.

Mes zyrtarëve të lartë të NATO-s dhe atyre të Bashkimit Europian ekziston frika se në mungesë të dakordësisë së brendshme për ndihmat ushtarake ndaj Kievit, Rusia do të pushtojë gjithë Ukrainën dhe më pas do të nisë një luftë të madhe në Europë.