Kisha Kriminale Serbe ka organizuar një marsh me serbët primitiv në Beograd.
Mijëra protestues kanë marshuar në Beograd më 28 gusht për “të shpëtuar Serbinë”, duke kundërshtuar festimet e planifikuara të komunitetit LGBT. Përkundër vendimit të autoriteteve serbe për t’i anuluar ngjarjet, organizatorët ngulmojnë të mos heqin dorë, duke ngjallur frikën për dhunë të mundshme.
EuroPride promovon krenarinë e lesbikeve, homoseksualëve, biseksualëve e transgjinorëve në nivelin panevropian, dhe organizohet nga një qytet i ndryshëm evropian çdo vit. Ngjarja përfshin një Paradë të Krenarisë.
Parada, EuroPride duhej të mbahej në Beograd më 17 shtator, por mes kërcënimeve nga aktivistët e së djathtës ekstreme, presidenti tha se Serbia duhet të fokusohej te probleme të tjera më të rëndësishme, si për shembull tensionet me Kosovën…
Manifestimet e së dielës kundër marshimit Europride, u mbajtën gjatë një procesioni për të shënuar një festë fetare dhe u udhëhoqën nga klerikë të Kishës Ortodokse Serbe. Disa pjesëtarë të klerit thanë se Parada e Krenarisë kërcënon vlerat e familjes tradicionale dhe duhet të ndalohet.
Vuçiq ka thënë se qeveria është përballur me trysni të madhe nga grupet djathtiste dhe përfaqësuesit e Kishës Ortodokse Serbe për të anuluar ngjarjen. Ai ka lënë hapur mundësinë që ngjarja të mbahet në një datë të mëvonshme.
Pjesëmarrës të tjerë në protesta thërritën slogane në mbështetje të kauzave nacionaliste, hoqën flamujt shqiptarë të vendosur në prag të vizitës së Kryeministrit Rama në Beograd, dhe valvitën flamujt rus në shenjë mbështetje për aleatin tradicional, Moskën.
Bashkimi Europian sakaq shprehu keqardhjen për vendimin e Serbisë që të anulojë apo të shtyjë mbajtjen e EuroPride, teksa tha se blloku evropian mbështet barazinë dhe kundërshton çdo formë të diskriminimit.
Në një reagim për Evropën e Lirë, zëdhënësja Ana Pisonero tha se mirëpresin sqarime nga autoritetet në Serbi dhe se do të ndjekin nga afër situatën.
Srbija za primer. Neće šetati i tačka. pic.twitter.com/ftqlZHGuGF
— Ivica Božić (@Ilebozicile) August 28, 2022
