Aktori George Clooney, i cili kishte qenë ndër mbështetësit dhe donatorët më të mëdhenj të Presidentit Joe Biden në Hollywood, i bëri thirrje Biden të tërhiqej nga gara presidenciale të mërkurën, vetëm disa javë pasi ai kryesoi një mbledhje të madhe fondesh për fushatën e tij të rizgjedhjes.
“Unë e dua Joe Biden”, shkroi Clooney në një artikull të New York Times. “Si senator. Si nënkryetar dhe si president. Unë e konsideroj atë mik dhe besoj në të.”
Por, shtoi Clooney, Biden që pa gjatë mbledhjes së fondeve të 15 qershorit, ku përfshihej edhe ish-presidenti Barack Obama, “nuk Joe Biden i vitit 2010. Ai nuk ishte as Joe Biden i 2020”.
“Ai ishte i njëjti njeri që të gjithë e pamë në debat”, shtoi Clooney, duke iu referuar performancës së lëkundur të Biden në debatin presidencial të 27 qershorit në CNN, transmeton gazeta online Reporteri.net.
Clooney nuk është thjesht një yll filmi dhe një donator i shquar: ai është dikush që ka kaluar kohë me Biden gjatë viteve dhe ka qenë gjithmonë një fans i madh.
Clooney shihet gjithashtu nga shumë mbështetës demokratë në Hollywood si një lloj busulle duke pasur parasysh angazhimin dhe aktivizmin e tij. Qëndrimi i tij me Bidenin deri më tani ndihmoi në mbledhjen e mbështetjes më të gjerë të donatorëve dhe të famshmëve, madje edhe mes disave që nuk kishin qenë kurrë fansa të mëdhenj të Bidenit dhe nuk ishin të entuziazmuar për ta mbështetur atë shumë kohë përpara debatit.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…