Gëzimi në panik! I drejtohet Albinit: S’mund t’i ndalosh mjekët të punojnë në privat apo në shtet!

Kryetari i Partisë “Fjala”, Gëzim Kelmendi ka reaguar ndaj deklaratave të fundit të Albin Kurtit lidhur me mjekët kosovarë të cilët, sipas tij, duhet të zgjedhin të punojnë privat ose në shtet.

Sipas tij, Kurti nuk ka fuqinë për të bërë ndryshime kushtetuese.

“…i nderuar Albin Kurti, për të për ndryshimin e tillë, duhesh me bërë ndryshime kushtetuese. E për të bërë ndryshime kushtetuese të duhen mbi 80 vota, çka koalicioni potencial juaji me LDK-në i ka rreth 60 deputetë, plus deputetët e komuniteteve jo shumicë”, ka thënë ai.

Postim i plotë:

Albin, ndali manipulimet, nuk je opozitar, je kryeministër në ardhje!

I nderuari kryeministër në ardhje Albin Kurti, deklarimi i juaj lidhur me ndalesën e mjekëve për të punuar në sektorin publik dhe privat është manipulimi i juaj i radhës.

Pse?

Në mandatin 2010-2014 kur edhe unë edhe ti kemi qenë deputet, një vendim të tillë e ka realizuar ish-ministri i shëndetësisë Ferid Agani.

Ministri Agani ka arritur që me ligjin për shëndetësi ta ndaloj punën e dyfishtë të mjekëve, edhe në sektorin publik edhe privat.

Por këtë ligj që ndalon punën e dyfishtë të mjekëve, e ka rrëzuar Gjykata Kushtetuese me iniciativën e disa deputetëve në krye me Shaip Mujën.

Kështu që i nderuar Albin Kurti, për të për ndryshimin e tillë, duhesh me bërë ndryshime kushtetuese. E për të bërë ndryshime kushtetuese të duhen mbi 80 vota, çka koalicioni potencial i juaji me LDK-në i ka rreth 60 deputet, plus deputetët e komuniteteve jo shumicë.

Kështu që ju nuk e keni fuqinë për të bërë ndryshime kushtetuese.

Unë përsonalisht jam viktimë e politikëbërjes së keqe dhe të korruptuar.

Unë jam Specialist i Kirurgjisë Maksillofaciale dhe ende jam i pa punë. Para rreth 3 viteve kam përfunduar specializimin dhe ende jam i pa punë.

Por si qytetarë i Kosovës nuk dua që të jem edhe viktimë e manipulimeve politike nga ju si kryeministër potencial.

Ju lutem mos manipuloni, mos e mashtroni popullin.

Lërini manipulimet dhe deklarimet populliste, nuk jeni opozitar, jeni kryeministër në ardhje.