Gjenerali i lartë amerikan llogaritë se rreth 100 mijë ushtarë rusë dhe rreth 100 mijë ushtarë ukrainas kanë vdekur apo janë lënduar në luftën në Ukrainë që ka filluar më 24 shkurt, raporton BBC.
Gjenerali Mark Miley po ashtu ka thënë se edhe afro 40 mijë civilë janë vrarë në luftë.
Këto shifra janë më të lartat që i ka ofruar ndonjëherë një zyrtar perëndimor.
Miley ka thënë se shenjat që Kievi dëshiron të rifutet në bisedime me Moskën ofron një “dritare” për negociata.
Në ditët e fundit, Ukraina ka sinjalizuar gatishmërinë për të mbajtur diskutime me Moskën. Presidenti i Ukrainës, Volodymyr Zelensky, ka hequr dorë nga kërkesa që kishte për të rifilluar negociatat. Më herët kishte thënë se presidenti rus Vladimir Putin duhet të largohet para se të rifillojnë negociatat.
“Kemi afro 100 mijë ushtarë rusë të vrarë apo të plagosur. Shifra e ngjashme është edhe nga radhët e Ukrainës”, tha Miley.
Rusia në shtator kishte pretenduar se 5937 ushtarë rusë janë vrarë në luftë.
