Komandanti i Komandës Operative të sapokrijuar të ushtrisë gjermane, Alexander Sollfrank, paralajmëroi në një intervistë të enjten, për shtimin e përpjekjeve ruse për të krijuar kaos në jetën e përditshme të qytetarëve në Gjermani.
Ka pasur “përpjekje për ndërhyrje” në objektet e Bundeswehr-it, siç njihet ushtria gjermane, si dhe shikime të dronëve lart, tha Sollfrank për DPA në Berlin.
“Ne nuk jemi më në paqe. Ne po vëzhgojmë aktivitete armiqësore kundër Bundesëehrit në Gjermani, kundër infrastrukturës, duke përfshirë spiunimin”, tha Sollfrank.
“Ne në mënyrë të përsëritur kemi parë dronë në zona ku ata nuk duhet të jenë në të vërtetë” shtoi ushtaraku gjerman, transmeton Telegrafi.
Komandanti i referohet gjithashtu këputjes së përsëritur të kabllove në Detin Baltik, ku “ne nuk e dimë ende saktësisht se si ndodhi dhe kush qëndron pas saj”.
“Por tashmë ka dyshime se si mund të ketë ndodhur e gjithë kjo, dhe se pas saj fshihet një qëllim i qartë dëmtues”, tha ai.
Në incidentin e fundit gjatë fundjavës, një kabllo nënujore midis Suedisë dhe Letonisë, e cila përdoret nga Qendra Shtetërore e Radios dhe Televizionit Letonez (LVRTC), u dëmtua, megjithëse shkaku i saktë mbetet ende i paqartë.
Autoritetet në Stokholm po hetojnë një sabotim të mundshëm serioz, dhe kanë ndaluar një anije të dyshimtë.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…