Gjenerali iranian: Shkatërrimi i Izraelit tani jo një ëndërr por një “qëllim i arritshëm”

Komandanti i Gardës Revolucionare të Iranit tha të se shkatërrimi i Izraelit është një “qëllim i arritshëm”.

“Ky regjim i keq duhet të fshihet nga harta dhe kjo nuk është më ëndërr por është një qëllim i arritshëm,” tha Gjeneral Major Hossein Salami.

Ndërsa komentet e tilla nuk janë të pazakonta, ato vijnë në mes të tensioneve të rritura në Lindjen e Mesme për programin bërthamor të Iranit dhe një seri incidentesh alarmante që kanë ngritur frikën e një konflikti.

Shtetet e Bashkuara, të cilat u tërhoqën nga një marrëveshje thelbësore bërthamore midis Iranit dhe fuqive botërore në 2018, kanë imponuar një fushatë të ‘presionit maksimal’ – me mbështetje të zëshme nga kryeministri izraelit Benjamin Netanyahu.

Sidoqoftë, Netanyahu është dobësuar nga paqëndrueshmëria politike në shtetin e tij dhe po lufton të mbetet në pushtet pasi zgjedhjet e dyta me radhë përfunduan në ngërç.Izraeli gjithashtu ka kryer sulme ajrore gjithnjë e më shumë publike kundër forcave të mbështetura nga Irani në Siri.

Irani ka qenë vazhdimisht armiqësor ndaj Izraelit që nga revolucioni i tij në 1979, dhe Teherani mbështet hapur grupet e armatosura anti-izraelite përfshirë Hamasin palestinez dhe Hezbollahun e Libanit.