Gjenerali në pension Ante Gotovina: Jetojmë në kohë të çuditshme, lutemi për paqe por përgatitemi për luftë

Presidenti i Republikës së Kroacisë Zoran Milanoviç u betua për mandatin e tij të dytë pesëvjeçar.

Në inaugurimin në zyrën e Presidentit në Pantovçak morën pjesë rreth njëqind të ftuar, mes të cilëve katër nënkryetarë të Kuvendit, por askush nga Qeveria.

Një deklaratë për mediat pas inaugurimit ka dhënë edhe gjenerali në pension Ante Gotovina.

Për mungesën e anëtarëve të HDZ-së në inaugurim Gotovina tha se shteti përbëhet nga institucionet.

“Institucioni i presidentit, kryetari i parlamentit, parlamenti, kryeministri, qeveria është pushteti ekzekutiv. Ata fituan zgjedhjet dhe morën përgjegjësinë për të udhëhequr shtetin”.

Ai iu përgjigj pyetjes nëse ushtarët kroatë duhet të shkojnë në Ukrainë.

“Ka një sistem të sigurisë kombëtare dhe ata do të vendosin për këtë. Ushtria kroate është në dispozicion dhe bën punën e saj, ajo duhet të kryejë detyrat e saj dhe të zbatojë urdhrat.”

Ai theksoi se Kroacia po lutet për paqe, por në këtë paqe po përgatitet për luftë. “Nuk po e kërkojmë ne. Po jetojmë në kohë të çuditshme”.