“Gjyshërit ishin fermerë, ai sot është Ministër i Shëndetësisë”, vajza e Rifat Latifit shpreh krenarinë për babain

Vajza e ministrit të ri të Shendetësisë, Rifat Latifi, Fortesa Latifi është shprehur krenare me babain e saj pasi u zgjodh në këtë pozitë.

Ajo ka shkruar se gjyshërit e saj ishin fermerë që s’dinin shkrim-lexim, por djali i tyre është tash është ministër i Shëndetësisë.

“Ky është babai im, ministër i ri i Shëndetësisë në Kosovë. Kur e kujtoj nga fillimi s’arrihet të përshkruhet. Ai është kthyer në shtëpi për të bërë më të mirën e mundshme. Gjyshërit e mi ishin fermerë analfabetë dhe djali i tyre është tash ministër i Shëndetësisë. S’mund të jem më shumë se kaq krenare. Kur të vie në mendje se sa pak mundësi për edukim kishin gjyshërit e mi dhe se si djali i tyre ka arritur tashmë. Jam shumë krenare. Ai gjithmonë ka dashur t’i ndihmojë njerëzit dhe tani do ta ketë mundësinë që ta bëjë këtë në një shkallë më lartë se sa e bën zakonisht”, ka shkruar ajo.