Në meshën e Vitit të Ri, Papa Françesku kërkoi falje për faktin se një natë më parë goditi me shuplakë në duar një besimtare në Sheshin e Shën Pjetrit në Vatikan dhe përfitoi nga rasti për të dënuar dhunën ndaj grave.
Ati i Shenjtë rrëfeu se kishte humbur durimin, kur një admiruese tepër e zellshme i kapi dorën dhe e tërhoqi drejt saj. Në pamjet që bënë xhiron e botës, Papa shihet teksa e godet në duar gruan dhe i thotë ta lëshojë. “Na ndodh gjithmonë të humbim durimin”, tha Bergoglio. “Edhe mua më ndodh. Kërkoj falje për shembullin e keq që dhashë”.
Papa e quajti dhunën ndaj grave si një përdhosje të Zotit dhe bëri thirrje që ato të trajtohen me më shumë dinjitet nëse duam një botë më të mirë për Vitin e Ri.
https://www.instagram.com/p/B6x_rp2ApS_/?utm_source=ig_web_copy_link
