“Gratë xheloze që nuk dinë asgjë”, Andrew Tate gjen fajtoret për arrestimin e tij

Influenceri Andrew Tate është shprehur se fajin për arrestimin e tij e kanë “gratë xheloze që nuk dinë asgjë” dhe që përdorin sistemin “për të ndëshkuar burrat”.

36-vjeçari dhe vëllai i tij 34-vjeçar, Tristan Tate, u liruan nga burgu dhe u lanë në masën e sigurisë “arrest shtëpie” ditën e premte. Ata u arrestuan në Rumani dhe po hetohen për akuzat e përdhunimit, trafikimit të qenieve njerëzore dhe formimin e një grupi të organizuar kriminal.

Duke folur pas lirimit nga burgu, Tate tha: “Më në fund, jam i lirë. Respekt gjykatësve që na dëgjuan dhe na lanë të lirë. Unë besoj te e vërteta, besoj te Zoti dhe besoj se drejtësia do të vihet në vend. Nuk ka fare shans që të shpallem fajtor për diçka që nuk e kam bërë”.

Në deklarata dhënë policëve, ai u shpreh: “Gratë dinë si të përdorin sistemin gjyqësor për të ndëshkuar burrat. Gjërat që janë thënë kundër meje janë thënë nga gra xheloze që nuk dinë asgjë dhe vetëm kërkojnë para për të blerë gjëra”.