Të enjten Prokuroria në Prishtinë njoftoi se kanë nisur hetime pas raportimeve se ambasadori i Kosovës në Kroaci, Martin Berishaj, i ka marrë zarfet me fletëvotime nga kutia postare në Zagreb dhe i ka dërguar në ambasadën atje.

Lidhur me këtë, kryetari i KQZ-së, Kreshnik Radoniqi, ka thënë se bëhet fjalë për rreth 30 vota.

Ai ka thënë se gabimi është bërë që nuk janë respektuar procedurat dhe vëzhguesit nuk ishin njoftuar kur u tërhoqën, por se personat që tërhoqën votat ishin të autorizuar.

“Ato të Kroacisë, e vetmja çështje që ka shkuar mos të them pengesë, por që nuk janë respektu procedurat është që vëzhguesit nuk kanë qenë prezentë. Bëhet fjalë për rreth 30 vota. Personat që i kanë tërhequr ato vota janë të autorizuar nga KQZ-ja, dhe ata i kanë tërhequr, por një gabim është bërë që nuk janë njoftuar vëzhguesit”, tha Radoniqi.

“Do të ketë rekomandim të sekretariatit dhe në bazë të rekomandimit do të marrim vendim në KQZ”, tha Radoniqi.

Lexo më shumë