Policia e Kosovës ka hedhur gaz lotsjellës ndaj protestuesve afër pikës kufitare në Bërnjak, pasi ata kundërshtuan t’i largojnë automjetet e tyre për ta zhbllokuar rrugën.
Kjo ka ndodhur pak para orës 17:00, ndërsa pas këtij intervenimi të Policisë, masa është shpërndarë.
Burime të Albanian Post bëjnë të ditur se deri tani nuk ka të lënduar, ndërsa protestuesit janë tërhequr dhe po tubohen nëpër lokacione të ndryshme dhe në numër më të vogël.
Qytetarë serbë janë mbledhur në protestë për shkak të masave të reciprocitetit të palës kosovare ndaj targave serbe, pas skadimit të marrëveshjes më 15 shtator.
Pas vendosjes së masave të reciprocitetit për tabelat “RKS” për të gjitha veturat të cilat futen në Kosovë nga Serbia, dhjetëra qytetarë serbë janë grumbulluar edhe afër pikës kufitare në Jarinje.
