Të dielën pasdite, Hillary Clinton publikoi në Twitter një letër të sajuar, të shkruar gjoja nga ish-presidenti amerikan, John Kennedy për ish-presidentin e ish-Bashkimit Sovjetik, Nikita Khrushchev, për t’u tallur me letrën që presidenti Trump ia dërgoi homologut të tij turk.
“E gjetur në arkiv”, shkroi Clinton në përshkrimin e kësaj letre të montuar. Letra gjoja ishte dërguar më 16 tetor 1962, në kohën e krizës së raketave në Kubë.
Letra që Trump ia dërgoi Erdoganit, në të cilën, mes tjerash, shkruhej “Mos e luaj të fortin, mos u bëj budalla”, nga shumë njerëz u cilësua fillimisht si e rreme për shkak të gjuhës së pazakontë, e cila nuk përdoret nga presidentët në komunikim zyrtar me homologët e tyre.
Raportohet se Erdogani pasi e ka marrë këtë letër dhe e ka refuzuar atë duke e hedhur në koshin e plehrave. Presidenti amerikan ende nuk ka reaguar ndaj talljes së ish-rivales
