Sukses historik për Kosovën ka siguruar të hënën Nora Gjakova. Ajo është në finale të Lojërave Olimpike dhe kështu e ka medaljen e sigurt.
Është medalja e dytë për Kosovën në “Tokio 2020”, pas asaj të artë që e fitoi Distria Krasniqi të shtunën.
Është pjesëmarrja e dytë e Kosovës në ngjarjen më të madhe sportive. Në Rio 2016, Majlinda Kelmendi kishte fituar të artën. Tani Kosova i ka dy medalje në Tokio, ndërsa ka shpresë edhe për të tjera.
Nora garon në kategorinë deri 57 kilogramë, ndërsa në gjysmëfinale e mposhti japonezen Tsukasa Yoshida. Prej saj kishte humbur katër luftërat e kaluara. Por të hënën në Nippon Budokan në Tokio, Nora shkëlqeu.
Deri në gjysmëfinale Nora i kishte dy fitore. Mposhti fillimisht në raundin e dytë holandezen Sanne Verhagen e më pas sllovenen Kaja Kajzer. Nora ishte bartësja e tretë, ndërsa japonezja Yoshida e dyta.
Nora më herët këtë vit ka fituar medalje evropiane dhe botërore. Tani e ka të sigurt medaljen olimpike dhe natyrisht synon të artën. Viti i saj është i shkëlqyeshëm, karriera e saj është e shkëlqyeshme. Dhe xhudoja kosovare konfirmohet si forcë botërore.
Nuk ka pasur kuorum për raundin e parë të votimit të Presidentit. 66 deputetë ishin…
Nuk ka pasur kuorum për propozimet e amendamenteve kushtetuese të propozuara nga presidentja Vjosa Osmani…
Televizioni shtetëror iranian raportoi mbrëmjen e së enjtes se dronët e Gardës Revolucionare ushtria ideologjike…
Deputetët e Kuvendit të Kosovës janë ftuar në seancën lidhur me amendamentet për zgjedhjen e…
Presidenti i Shteteve të Bashkuara, Donald Trump, ka thënë se dëshiron të përfshihet në zgjedhjen…
Presidentja Vjosa Osmani ka njoftuar se të enjten i ka dërguar në Kuvend amendamentet kushtetuese…