Iluzionet kanë marrë fund, Von der Leyen: BE duhet të armatoset, mos i zini besë Putinit

Evropa duhet të rrisë ndjeshëm shpenzimet e mbrojtjes për shkak të kërcënimit rus. Kjo është e nevojshme jo vetëm për të ndihmuar Ukrainën, por për të gjithë kontinentin.

Paralajmërimi ka ardhur nga Presidentja e Komisionit Evropian Ursula von der Leyen në fjalimin e saj në Parlamentin Evropian. Paqja në Bashkimin Europian nuk mund të merret si e mirëqenë, për këtë arsye theksoi shefja e KE-së, duhet të rriten detyrimisht shpenzimet për mbrojtjen.

“Rendi i sigurisë evropiane po tronditet dhe kaq shumë nga iluzionet tona po shkatërrohen. Koha e iluzioneve tani ka mbaruar. Evropa është thirrur të marrë më shumë përgjegjësi për mbrojtjen e saj. Jo në një të ardhme të largët, por sot. Jo me hapa në rritje por me guximin që kërkon situata. Ne kemi nevojë për një rritje të mbrojtjes evropiane. Dhe ne kemi nevojë për të tani. Ne po përballemi me një krizë të sigurisë evropiane. Por ne e dimë se është në krizë që Evropa është ndërtuar gjithmonë. Pra, ky është momenti për paqen përmes forcës. Ky është momenti për një mbrojtje të përbashkët”, tha Presidentja e KE.

Von der Leyen vuri në dukje se, Ruisa prodhon më shumë armë se Europa e marrë së bashku. Ajo shtoi se në krye të të gjithë kësaj është Vladimir Putin, të cilit nuk mund ti besohet.

“Nëse i shikojmë shpenzimet ushtarake në terma realë, Kremlini po shpenzon më shumë se e gjithë Evropa së bashku. Prodhimi i Evropës është ende në një shkallë më të ulët. Putini ka dëshmuar herë pas here se ai është një fqinj armiqësor. Atij nuk mund t’i besohet, ai vetëm mund të pengohet.”

Von der Leyen shpreson që një fond i ri prej 150 miliardë eurosh i shoqëruar me përjashtimin e përkohshëm të disa investimeve të mbrojtjes nga kufijtë e rreptë të borxhit dhe deficitit të bllokut dhe masa të tjera mund të rrisë deri në 800 miliardë euro.