Fluturimet nga të gjitha aeroportet iraniane janë anuluar nga ora 21:00 sonte deri në orën 6 të mëngjesit me orën lokale të nesërme, njoftuan mediat shtetërore iraniane, duke cituar një zëdhënës të Organizatës së Aviacionit Civil të Iranit.
Fluturimet u anuluan për shkak të kufizimeve operacionale, citojnë mediat të ketë thënë zëdhënësi, i cili nuk ka dhënë detaje të tjera.
Irani vendosi kufizime fluturimi të martën pasi qëlloi me raketa në drejtim të Izraelit, i cili u zotua të hakmerret.
Prej disa muajsh, frika e hakmarrjes iraniane kundër Izraelit për vrasjen e liderit politik të Hamasit, Ismail Haniyeh në Teheran është në rritje.
Këshilltari i Sigurisë Kombëtare i Shtëpisë së Bardhë, Jake Sullivan, e quajti sulmin e fundit me raketa në Tel Aviv një “përshkallëzim të rëndësishëm” pasi Izraeli u zotua të hakmerret menjëherë pas përfundimit të sulmit.
Kryeministri izraelit Benjamin Netanyahu tha gjithashtu se Irani do të “paguajë” për raketat e lëshuara në vendin e tij.
Udhëheqësi iranian Ayatollah Ali Khamenei mbrojti veprimet e vendit të tij, duke thënë se Irani do të sulmonte përsëri nëse Izraeli përgjigjet.
( Reuters )
