Ish ambasadori serb në Turqi: Erdogani nuk ka folur rastësisht për lobim për njohjen e Kosovës

“Puna për të promovuar interesat e Prishtinës është një udhëzim i vazhdueshëm për diplomatët turq, por sigurisht që duhet të analizojmë seriozisht pse presidenti turk Recep Tayyip Erdogan, i cili nuk thotë asgjë rastësisht, vendosi të shpallë lobim të intensifikuar për Kosovën pikërisht në këtë moment, në mënyrë të qartë në bashkëpunim me Shtetet e Bashkuara të Amerikës”, ka deklaruar Darko Tanaskoviq, ish-ambasadori serb në Turqi për portalin në gjuhën serbe “Kosovoonline”.

Presidenti turk ka thënë se Ankaraja është duke punuar në rritjen e numrit të vendeve që njohin pavarësinë e Kosovës dhe se do të diskutojë këtë me presidentin e SHBA Joseph Biden, për të bërë punë të përbashkët” për atë çështje.

Në pyetje se çfarë mund të pritet nga veprimi i përbashkët i Turqisë dhe SHBA, Tanaskoviq është përgjigjur, “Unë nuk parashikoj një përgjigje masive ndaj thirrjeve të lobistëve të Kosovës, sepse shumë vende kanë arsyet e tyre autentike, të forta pse hezitojnë të afirmojnë ndërkombëtarisht pavarësinë e Kosovës. SHBA dhe Turqia sigurisht do të jenë në krye të kësaj fushate të re, veçanërisht pasi ajo është një nga çështjet jo aq të shumta në lidhje me të cilën ekziston një përkim i plotë i pozicioneve të Uashingtonit dhe Ankarasë”