Rilind Murati, ish-pjesëtar i FSK-së, është një prej të arrestuarve që përfshihet në rastin e vrasjes së rreshterit të Policisë së Kosovës, Muhamed Lika nga Kaçaniku.
Në një video të publikuar në media shihet Rilindi, së bashku me ‘vëllezërit’ e tij, nën shoqërimin e imamit Zekirija Qazimi. Ligjërata është mbajtur në një fushë më 14 gusht të vitit 2024.
Kujtojmë se Qazimi kishte vuajtur dënim prej më shumë se 10 vitesh burgim për veprën e terrorizmit.
Ai ishte dënuar për rekrutimin e të rinjve në organizata terroriste që veprojnë në Lindjen e Mesme dhe akuzohej për dy vepra penale: rekrutim për terrorizëm dhe nxitje të urrejtjes, përçarjes ose mosdurimit kombëtar, racor, fetar apo etnik.
