Ish-ushtari i UÇK-së u mendua se vdiq, shpëtoi i gjallë

Në momentin kur ra në duart e policisë serbe, ish-ushtari i UÇK-së, nuk e kishte menduar më kthimin në shtëpi.

Ky është ish-ushtari i UÇK-së, Ahmet Smakiqi, nga Abria e Skenderajt, i cili në shkurtin e vitit 98-tës e kishte përjetuar një torturë të rëndë.

Ky përjetim, sikur edhe i shumë shqiptarëve në luftë, për Smakiqin ishte një nxitje që prej atëherë ta bartë plisin si simbol tradicional shqiptar.

Nga gjendja e rëndë dhe trauma e pësuar si shkak i maltretimit, Smakiqi thotë se nuk kujton gjithçka, por disa detaje i ka të freskëta.

Ai u la për të vdekur nga policia serbe. Familjarët shkuan ta merrnin trupin e tij në borë, por e zbuluan se ishte ende i gjallë.

Gjithë këtë përjetim, ai e dëshmon me fotografi.

Moment i vështirë ishte për familjarët, të cilët nuk ishin në dijeni për përjetimin e kryefamiljarit. Por bashkëshortja e tij kujton shumë detaje.

Kontributi i tij në luftë thotë se nuk iu shpërblye, pasi që Ahmet Smakiqi sot nuk gëzon një vend pune. Megjithatë ai ia ka dalë vetë ta sigurojë ekzistencën, duke u marrë me bujqësi e bletari.