Policia spanjolle ka gjetur pas më shumë se 9 vitesh trupin e shqiptares Sibora Gagani, e zhdukur në korrik të vitit 2014 në Torremolinos, shumë pranë Malagës.
Sipas TGCOM, ishte ish-i fejuari Marco Gaio Romeo ai që rrëfeu përpara hetuesve se e kishte vrarë vajzën, e cila në atë kohë ishte vetëm 22-vjeç.
Burime nga hetimet bëjnë me dije se trupi i pajetë i shqiptares me kombësi italiane u gjet i fshehur në një shtëpi prej druri, brenda një muri, ku kishte jetuar me Marcon tashmë 45 vjeçar.
Pas disa vitesh pa asnjë gjurmë, hetimet për zhdukjen e shqiptares u hapën para disa javësh, kur në 17 maj, ish-i fejuari i saj u arrestua nën akuzën e vrasjes me thikë të bashkëjetueses së tij të fundit, me të cilën kishte dhe një djalë.
Ishte pikërisht ky moment që burri tërhoqi vëmendjen e hetuesve dhe tek Gagani, me të cilën ishte transferuar në Spanjë, pasi e kishte njohur në Itali 15 vite më parë. Marco la dyshime tek hetuesit se e kishte vrarë vajzën në vitin 2014 dhe e kishte fshehur trupin në shtëpinë ku jetonin në atë kohë. Ai e tërhoqi më pas këtë dëshmi, por hetuesit e kishin marrë shumë seriozisht këtë pistë.
Pas disa javësh kërkime, trupi i vajzës u gjet në mes të murit falë një sistemi me rreze X, pranë saj u gjet dhe një thikë me të cilën dyshohet se është kryer krimi.
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…
Presidenti Donald Trump mirëpriti të enjten një grup pasotrësh në Zyrën Ovale një grup klerikësh…
“Edhe të pasurit qajnë në kohë lufte.” Konflikti i fundit në Lindjen e Mesme po…
Shefja e Grupit Parlamentar të Vetëvendosjes, Arbërie Nagavci, e ka komentuar deklaratën e Vjosa Osmanit,…