ISIS, ka njoftuar vdekjen në fushëbetejë të liderit të saj, Abu al-Hassan al-Hashemi al-Quraishi.
Kjo është hera e dytë në më pak se 10 muaj që organizata që deri në vitin 2015 kishte nën kontroll pjesë të mirë të Sirisë dhe Irakut por që tani fshihet në zona të thella të këtyre vendeve, humb liderin e saj.
Shumë pak dihej mbi të, madje edhe identiteti i tij i vërtetë ishte një mister.
Për disa raporte të inteligjencës perëndimore bëhej fjalë për shtetasin irakian Bashar Khattab Ghazal al-Sumaida’i, i njohur edhe si Haji Zaid.
