Islamikët në stilin e Ratko Mlladiçit/ Regjimi islamik në Siri po kryen mizori të papara

Regjimi Islamik po kryen mizori të papara në qytetet alevite duk vrarë dhe masakruar civil në stilin e kriminelit të luftës Mladiç.

Rrjeti Sirian për të Drejtat e Njeriut (SNHR) dokumentoi “ekzekutime masive në terren të burrave dhe të rinjve, pa asnjë dallim të qartë midis civilëve dhe luftëtarëve” në veriperëndim të Sirisë.

Luftimet filluan të enjten pasdite, kur militantët besnikë ndaj qeverisë së rrëzuar të Assadit zunë në pritë forcat siriane të sigurisë në një sulm të koordinuar në një zonë rurale të provincës Latakia, një ish-fortesë e udhëheqësit të rrëzuar, ku jetojnë shumë anëtarë të sektit islamik alavit në Siri.

Vonë të premten, presidenti i përkohshëm Ahmad al-Sharaa u bëri thirrje grupeve të armatosura të lidhura me ish-qeverinë të dorëzojnë armët “para se të jetë tepër vonë”, ndërsa u kërkoi atyre besnikë ndaj qeverisë së re të shmangin sulmet ndaj civilëve apo keqtrajtimin e të burgosurve, raporton theguardian.

 

Operacioni ushtarak në shkallë të gjerë është sfida më e madhe për qeverinë e re në Damask që nga 8 dhjetori i vitit të kaluar, kur ish-grupi rebel Hayat Tahrir al-Sham (HTS) rrëzoi regjimin e Assadit.

SNHR raportoi se në al-Mukhtaria të Latakisë, rreth 40 civilë u ekzekutuan së bashku në një vend të vetëm.