Soldier in helmet holding machine gun with national flag on background - Israel
Ushtria izraelite tha më 3 maj se ka dislokuar forca në jug të Sirisë dhe trupat janë gati që të mbrojnë minoritetin druze, pas përplasjeve të fundit sektare.
“Ushtria izraelite është e vendosur në jug të Sirisë dhe është e përgatitur të parandalojë hyrjen e forcave armiqësore në zonat e fshatrave druze”, thuhet në deklaratën zyrtare, pa sqaruar nëse kjo është një dislokim i ri apo duke dhënë detaje për numrin e trupave që janë në terren.
Druze është një pakicë fetare në Siri, që praktikon një degë të islamit shiit.
Ndërkohë, një zyrtar druze në provincën Sveida, që është qendra e komunitetit druze në Siri, tha se “nuk ka pasur dislokim të trupave izraelite atje”.
Prania e trupave izraelite “raportohet të jetë e kufizuar në provincën e Kuneitras”, afër Lartësive të Golanit të aneksuara nga Izraeli, ku ushtria “ka vendosur prani” pasi rrëzimit të presidentit sirian, Bashar al-Assad, në dhjetorin e vitit të kaluar, shtoi zyrtari.
Pas përplasjeve sektare afër Damaskut më herët gjatë kësaj jave, Izraeli ka kryer disa sulme që thotë se kishin për qëllim mbrojtjen e komunitetit druze dhe ka paralajmëruar udhëheqësit islamistë të Sirisë të mos sulmojnë këtë grup pakicë.
Të shtunën, ushtria izraelite tha se “pesë qytetarë sirianë druze u evakuuan për trajtim mjekësor në Izrael gjatë natës” pasi pësuan lëndime në territorin sirian.
Zyrtari druze në provincën Sweida tha se ata ishin plagosur “në përplasje në Sahnaja”, vendi i dhunës së fundit sektare afër Damaskut.
Izraeli kreu më shumë se 20 sulme ajrore brenda Sirisë mbrëmjen e së premtes, sipas Vëzhguesit sirian për të Drejtat e Njeriut, pas një sulmi afër pallatit presidencial në Damask, të cilin autoritetet e dënuan dhe e cilësuan si “përshkallëzim të rrezikshëm”.
Ministri i Mbrojtjes i Izraelit, Israel Katz, paralajmëroi të enjten se Izraeli do të reagojë me forcë nëse Qeveria e re siriane dështon të mbrojë pakicën druze.
Vëzhguesi sirian tha se më shumë se 100 persona u vranë në përplasjet në Sahnaja dhe Xharamana, të dyja afër Damaskut, si dhe në provincën Sveida. REL
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…