Izraeli ka dhënë “udhëzime për tërheqjen e menjëhershme” të ambasadorëve të Izraelit në Irlandë dhe Norvegji.
Ministri i Jashtëm i Izraelit, Israel Katz, ka njoftuar në X për këtë, shkruan The Guardian.
“Unë kam udhëzuar tërheqjen e menjëhershme të ambasadorëve të Izraelit në Irlandë dhe Norvegji për konsultime në dritën e vendimeve të këtyre vendeve për të njohur një shtet palestinez. Unë po i dërgoj një mesazh të qartë Irlandës dhe Norvegjisë: Izraeli nuk do të qëndrojë i heshtur përballë atyre që minojnë sovranitetin e tij dhe rrezikojnë sigurinë e tij”.
Ai tha se “organizata terroriste Hamas kreu masakrën më të madhe ndaj hebrenjve që nga Holokausti, pas kryerjes së krimeve të tmerrshme seksuale të dëshmuara nga bota, këto vende zgjodhën të shpërblejnë Hamasin dhe Iranin duke njohur një shtet palestinez”.
“Ky hap i shtrembëruar nga këto vende është një padrejtësi ndaj kujtimit të viktimave të 10 shtatorit, një goditje ndaj përpjekjeve për kthimin e 128 pengjeve dhe një nxitje për Hamasin dhe xhihadistët e Iranit, gjë që minon mundësinë për paqe dhe vë në pikëpyetje të drejtën e Izraelit për vetëmbrojtje. Izraeli nuk do të heshtë – do të ketë pasoja të tjera të rënda. Nëse Spanja ndjek synimin e saj për të njohur një shtet palestinez, një hap i ngjashëm do të ndërmerret kundër saj. Marrëzia irlandeze-norvegjeze nuk na pengon; ne jemi të vendosur për të arritur qëllimet tona: rivendosjen e sigurisë për qytetarët tanë, çmontimin e Hamasit dhe sjelljen e pengjeve në shtëpi. Nuk ka principe më të drejta se këto”.
Kryeministri irlandez Simon Harris tha të mërkurën se ai pret që vendet e tjera t’i bashkohen Irlandës, Spanjës dhe Norvegjisë në njohjen e një shteti palestinez në javët e ardhshme.
“Sot, Irlanda, Norvegjia dhe Spanja po shpallin se ne njohim shtetin e Palestinës”, tha Harris në një konferencë për shtyp, raporton Reuters.
“Kam besim se vende të tjera do të bashkohen me ne në marrjen e këtij hapi të rëndësishëm në javët e ardhshme”.
