Ja çfarë tha konkretisht Ministri Reka për daljen e Serbisë në detin Adriatik, që ngjalli reagime të ashpra të opozitës

Ministr i Integrimeve, Blerim Reka, ka propozuar një ide, si zgjidhje në dialogun Kosovë-Serbi, të cilën ai e ka quajtur ‘kompromis fer për Serbinë’. Duke ia mundësuar Serbisë daljen në detin Adriatik përmes Kosovës, për çka është kritikuar shumë.

Në një intervistë ditë më parë, ministri Reka kishte thënë se ka një ide se si mund të zgjidhej dialogu Kosovë-Serbi, të cilën ai e ka quajtur ‘kompromis fer për Serbinë’.

Reka kishte thënë që në vend të asaj që po flitet se kinse duhet dhënë territor Serbisë, ka një ofertë tjetër, duke ia  mundësuar Serbisë daljen në Detin Adriatik, përmes Kosovës, përmes autostradës të Kosovës, në Durrës.

“Në vend të kësaj që po flitet, apo që po kualifikohet se kinse duhet dhënë territor Serbisë, unë e kam një ofertë tjetër. Ne mund t’ia japim korridorin transit Serbisë për dalje në Detin Adriatik, përmes Kosovës, përmes autostradës të Kosovës, në Durrës. Dhe më duket se është një kompromis fer për Serbinë”, ka thënë Reka në një intervistë në RTK.

Kjo deklaratë e Ministrit të Lëvizjes Vetëvendosje ka nxitur reagimin e ashpër të Partisë Demokratike të Kosovës, të AAK’së dhe NISMA’s

PDK, e ka konsideruar këtë ide si tepër shqetësuese dhe të rrezikshme, por edhe anti-kombëtare, si dhe ka kërkuar dorëheqje të ministrit Reka.

Deputeti i AAK’së, Gazmend Syla, i ka reaguar ashpër Ministrit të Integrimeve Europiane, Blerim Reka. Ai e ka quajtur Reken Esat Pasha.

“Ideja jote për daljen e Serbisë në det, i ngjan ëndërrave mesjetare serbe, e i ngjan edhe planeve të Grashaninit. Esat Pasha, pothuajse e realizoi këtë ide, po të mos ishte ndërhyrja austriake”, ka shkruar Syla.

Edhe NISMA përmes shefit të GP Haxhi Shala, ka thënë se Reka duhet të jap dorëheqje.

Ai e ka pyetur Rekën se me lejen e kujt ofron korridore e hap porta duke e vlerësuar si deklaratën më skandaloze të dhënë nga një zyrtarë shtetëror.