Analisti politik Dushan Janjiq e ka komentuar marrëveshjen e Serbisë dhe Rusisë lidhur me blerjen e gazit rus.
Ai ka thënë se Putini dhe Vuçiqi negociuan si dileri me narkomanin.
Sipas tij, rezultati i bisedës telefonike mes presidentëve të Serbisë dhe Rusisë e bëri të qartë se bëhet fjalë për një diler i cili sipas tij është Vladimir Putini dhe një narkoman që ka ardhur deri te droga, duke iu referuar Vuçiqit.
Sipas tij, Putini, natyrisht, do të vazhdojë t’i japë kokainë të droguarit me çmim të lirë në mënyrë që ta mbajë të varur.
Duke pasur parasysh se Perëndimi, Bashkimi Evropian dhe Shtetet e Bashkuara presin që Serbia të vendosë sanksione ndaj Rusisë për shkak të agresionit kundër Ukrainës, Dushan Janjiq thotë se kjo bisedë dhe informacioni i thënë në publik në fakt po blen kohë për disa probleme.
“E para është se Rusia vërtet do t’i japë fund luftës në tre vjet. E dyta është se Evropa do të lejojë ngacmimin e Serbisë për tre vjet. Dhe e treta është se Rusia do ta fitojë vërtet atë luftë. Pra marrëzi. Është pragmatike të blesh kohë sepse sistemi ynë energjetik është si Hiroshima. Nuk është problem të paguhet ai gaz, por është problem nëse për arsye politike rritet gazifikimi, që është një biznes korruptiv në vendin tonë. E gjithë infrastruktura kombëtare po ndërtohet dhe bëhet fjalë për persona privatë për të cilët bëhet fjalë për ngrohje alternative”, ka thënë ai për Danas.
Sipas tij, Vuçiq ka hyrë në lojën e gazit për arsye politike dhe synime të qarta strategjike të Rusisë.
“Ne nuk kemi asgjë për të fajësuar Rusinë, Putini ka krijuar narkomanë dhe të varur që kur ka ardhur në pushtet përmes lëndëve djegëse fosile, naftës dhe pastaj e përdor kundër tyre sepse është i vetëdijshëm se nuk ka armë të tjera mbrojtjeje kundër teknologjisë dhe NATO-s. Tani vërtet nuk jam i sigurt se Vuçiqi po e udhëheq Serbinë në interes të saj, nuk jam i sigurt se ai e di se ku po shkon, por e di që po e tërheq Serbinë në kohën kur Sllobodan Millosheviqi sundoi Serbinë. Vuçiqi po e tërheq Serbinë në vetëizolim. Është e rrezikshme deri në dhimbje. Dhe ky është interesi i Rusisë, jo i Serbisë”, ka përfunduar ai.
Të dielën gjatë ditës, presidenti serb në një konferencë për media ka thënë se bashkë me presidentin rus kanë arritur një marrëveshje me një çmim shumë të favorshëm për blerjen e gazi rus.
