Kryeministri i Katarit, Mohammed bin Abdulrahman Al-Thani, deklaroi të mërkurën se vendi i tij, së bashku me partnerë arabë po përgatiten për një përgjigje kolektive ndaj sulmit të Izraelit në Doha.
“Ka një përgjigje që do të vijë nga rajoni. Kjo përgjigje është aktualisht në konsultim dhe diskutim me partnerë të tjerë në rajon,” tha Al-Thani në një intervistë për CNN.
Ai konfirmoi gjithashtu se në ditët e ardhshme, Doha do të presë një samit arabo-islam, ku pritet të vendosen masat konkrete ndaj Izraelit.
Duke dënuar ashpër sulmin, kryeministri i Katarit e cilësoi atë si “terror shtetëror”.
“Nuk kam fjalë për të shprehur sa të zemëruar jemi për një akt të tillë… Jemi të tradhtuar,” shtoi ai.
Al-Thani akuzoi kryeministrin izraelit Benjamin Netanyahu për pengimin e përpjekjeve për lirimin e pengjeve të mbajtura nga Hamasi në Rripin e Gazës dhe për dështimin e negociatave për armëpushim.
“Netanyahu thjesht vrau çdo shpresë për ata pengje… Ai duhet të nxirret para drejtësisë. Ai po shkel çdo ligj ndërkombëtar,” u shpreh kryeministri.
Sipas tij, pas sulmit, Katari po rivlerëson rolin e tij në çdo bisedime të ardhshme për armëpushim në Gaza.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…