Policia amerikane ka arrestuar një të dyshuar për të shtënat me armë ku humbën jetën gjashtë persona në një paradë të Ditës së Pavarësisë në Highland Park, Illinois.
Një oficer policie e ndaloi të riun në makinën e tij rreth 8 kilometra larg vendit ku ai nisi të qëllonte më armë në Highland Park.
Autoritetet publikuan një foto dhe emrin e 22-vjeçarit, ai është Robert E Crimo, por ende nuk janë zbardhur motivet e këtij sulmi.
“Personi që kërkonim është dërguar në departamentin e policisë, ku do të kalojë në fazën tjetër të hetimit”, u shpreh Lou Jogmen, kreu i policisë.
Autori hapi zjarr nga një çati ku po qëndronte, duke qëlluar mbi qytetarët që ndodheshin në paradë. Për shkak të të shtënave me dhjetëra persona nisën të vrapojnë të frikësuar.
“Mendova se ishte marina ajo që po përshëndeste flamurin me armë. Por më pas, kur pashë njerëz që vraponin, mora djalin dhe fillova të vrapoj, shprehet Aleksandër, dëshmitar i ngjarjes.
Sulmi në Highland Park ndodhi vetëm pak muaj pas ngjarjeve të shënuara në shkollën në Uvalde në Teksas apo edhe në New York.
Presidenti Biden është zotuar të luftojë “epideminë e dhunës me armë” që ka përfshirë vendin.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…