Tensionet mes Kinës dhe Tajvanit po rriten sërish. Katër avion luftarakë gjuajtës kinezë hynë në hapësirën ajrore të Tajvanit. Ndërkohë, amerikanët po dërgojn aeroplanmbajtësen e tyre në ishull.
Kina ka reaguar për vizitën e mundshme të Nancy Pelosit.
Menjëherë pasoi reagimi i Pekinit zyrtar. 4 luftëtarë J-16 u regjistruan në jugperëndim të Tajvanit. Para kësaj, qeveria kineze theksoi se në rast të vizitës së Pelosit në ishull, Ushtria Çlirimtare Popullore e Kinës nuk do të rrijë duarkryq.
Ndërkohë, amerikanët i lëvizin aeroplanmbajtësen dhe avionët e tyre më afër ishullit. Nikkei shkruan se marina amerikane dëshiron të krijojë një zonë tampon për avionin e Pelosit në rast të vizitës së saj në Tajvan.
Më 1 gusht, Pelosi zbarkoi në Singapor
Më 1 gusht, avioni i Kryetarit të Dhomës së Përfaqësuesve u ul në Singapor. Kjo është ndalesa e parë e politikanes në turneun e saj Indo-Paqësor. Gjithashtu është planifikuar një vizitë në Malajzi, Korenë e Jugut dhe Japoni. Nuk përmendet Tajvani.
Aeroplanmbajtësja USS Ronald Reagan ndodhet në Detin e Kinës Jugore
Ndërkohë, aeroplanmbajtësja USS Ronald Reagan u kthye në Detin e Kinës Jugore. USS America dhe anija sulmuese amfibe USS Tripoli janë afër Japonisë. Aeroplanmbajtësja USS Abraham Lincoln, USS Essex dhe 36 luftanije të tjera dhe 3 nëndetëse amerikane janë të stacionuara në Oqeanin Paqësor
