Këshilltari i Pacollit i reagon ashpër Veton Surroit, i përmend takimin e tij me Millosheviqin duke i zbuluar detaje

Këshilltari i Behgjet Pacollit, Naim Murseli përmes një postimi në Facebok, i është kundërpërgjigjur publicistit Veton Surroit duke iu drejtuar që Pacolli ka takuar qindra president dhe vazhdon të takojë dhe se ka takuar edhe Millosheviqin.

Murseli ia numëron disa fakte Surroit duke i përmendur edhe lutjen ndaj Millosheviqit me hapë televizionin tuaj duke i premtuar atij lojalitet.

Në fund, Murseli thotë për ty janë faktet dhe për z. Pacolli vetëm paragjykimet e njërezëve të frustruar që flasin si halla në kacë të cilët askush nuk ua vë veshin.

Postimi i plotë:

Behgjet Pacolli në jetën e tij ka takuar qindra presidentë dhe vazhdon të takon. E ka takuar edhe Millosheviqin dhe çfarë është biseduar me të është e shkruar në librin e tij, por më duket se pas z. Pacolli jeni takuar edhe ju, Veton Surroi! A jeni ju, Veton i cili personalisht e keni lutur Millosheviqin me hapë televizionin tuaj duke i premtuar atij lojalitet.

A jeni ju autori i shkrimit ”Rojat e Kushtetutës” e botuar në mars të vitit 1989 në gazetën “Rilindja”, ku shkruante me nënçmim për protestat e klasës punëtore, grevat në Kosovë dhe për protestat e emigrantëve shqiptarë jashtë kufijve të Jugosllavisë.

Për ty janë faktet dhe për z. Pacolli vetëm paragjykimet e njërezëve të frustruar që flasin si halla në kacë të cilët askush nuk ua vë veshin.

Jeni komunist i vërtetë!