Shkrimtari ynë i njohur Kim Mehmeti i ka komentuar lajmet se ambasadori i Kosovës në Shkup ua ka uruar shqiptarëve të Maqedonisë anëtarësimin e vendit në NATO nëpërmjet një fotografie grupore të drejtuesve të BDI-së.
Sipas Kim Mehmteit, ambasada e këtushme e Kosovës ishte dhe mbeti dega më besnike e BDI-së si dhe ‘kazan’ ku Kosova i hedh mbeturinat e veta të papërdorshme politike. Më poshtë ua sjellim komentin e plotë të Kim Mehmetit të publikuar në faqen e tij të FB:
“Mediat raportojnë se Ambasadori i Kosovës në Shkup vazhdon t’i përçajë shqiptarët e Maqedonisë duke ua uruar anëtarësimin e shtetit në NATO nëpërmjet një fotografie grupore të drejtuesve të BDI-së?! Pse, duhej të ndodhte kjo që shqiptarët e Maqedonisë ta kuptojnë se Ambasada e Kosovës në Shkup ishte dhe mbeti ‘dega’ më besnike partiake e BDI-së si dhe kazanë ku Prishtina zyrtare i hedh mbeturinat politike të dala nga ‘Pusi i Gjarprit’, si dhe plehun e papërdorshëm politik!, – shkruan Kim Mehmeti.
Gjithashtu, partitë opozitare shqiptare në Maqedoni të Veriut kërkojnë shkarkimin e Ambasadorit të Kosovës, Gjergj Dedaj.
Kjo pasi që gjatë ditës kur u votua Protokolli për aderimin e Maqedonisë së Veriut në NATO, ambasadori i Kosovës në Maqedoni të Veriut, Gjergj Dedaj e ka uruar këtë ngjarje duke postuar një fotografi të deputetëve të BDI-së.
Shpërthime janë dëgjuar mbi Dubai herët këtë mëngjes dhe ka pasur aktivitet të aeroplanëve luftarakë.…
Irani ka zgjedhur djalin e të ndjerit Ajatollah Ali Khamenei si udhëheqësin e ardhshëm suprem…
Konflikti në rritje mes Shteteve të Bashkuara të Amerikës dhe Iranit po vazhdon të shkaktojë…
Interneti është ndërprerë dhe qytetarët e zakonshëm që nuk kanë VPN nuk mund të lidhen…
Një klip i fjalimit të Presidentit rus Vladimir Putinit u botua ditën e sotme aksidentalisht…
Një grua nga Teheran ka deklaruar se shumë iranianë janë aq të lodhur nga represioni…