Ministria e jashtme Kinës ka deklaruar se do të mbrojë “interesat e saj kombëtare” pasi presidenti i ShBA-së, Donald Trump, u tha gazetarëve se mund të vendosë një tarifë prej 10 për qind ndaj mallrave kineze.
“Ne kemi besuar gjithmonë se nuk ka fitues në një luftë tregtare apo një luftë tarifore,” tha zëdhënësja e ministrisë, Mao Ning, në një konferencë ditore.
Kina “është e vendosur fort për të mbrojtur interesat kombëtare”, citohet gjithashtu të ketë thënë ajo.
Trump thotë se tarifa mund të hyjë në fuqi nga 1 shkurti dhe se ajo bazohet në dërgimin e fentanilit nga Kina në Meksikë dhe Kanada. Kina mbronte më parë përpjekjet e saj për të ndaluar rrjedhën e drogave të paligjshme.
Siç kemi raportuar, Trump ka folur gjithashtu edhe për taksat e importit në Kanada dhe Meksikë, si dhe BE, shkruan BBC.
