Kjo është shuma e madhe e pagës që marrin dy zyrtarët e Telekomit që u gjuajtën me armë në lokal

Telekomi i Kosovës ka organizuar darkën e fundvitit dje në një nga lokalet e kryeqytetit në rrugën ‘Enver Zymberi’, mirëpo kjo darkë nuk shkoi ashtu siç u planifikua, pasi aty pati rrahje dhe plagosje me armë zjarri mes tyre.

Arsim Ramadani dhe Shaban Rama janë dy personat që u fjalosën fillimisht, pastaj u rrahën e përfunduan duke u gjuajtur me armë.

Të dy këta janë të punësuar së fundi nga AAK në valën e punësimeve dhe i takojnë këtij subjekti partiak, ata punojnë në departamentin e logjistikës, ndërsa kanë rrogat ndër më të lartat.

I plagosuri në këtë rast ka mbetur Shaban Ramaj, rastin e të cilit policia e ka cilësuar si ‘plagosje mes të rinjsh’, vepër kjo që u mundua të fshihej nga Policia e Kosovës.

Kujtojmë se paga që merr në Telekom, Shaban Ramaj është 2,250.83 euro. E njëjtë, është paga edhe e Arsim Ramadanit prej 2,250.83 euro.

Të dy këta janë emra të njohur për publikun kosovar, pasi Ramaj në faqen e tij në Facebook ka disa fotografi me kryeministrin në detyrë, Ramush Haradinaj, kurse Ramadani ishte i dënuar më parë në rastin Kiqina por u fal me vendim të Presidentit Hashim Thaçi..