Koci: Thirrjet për burgosjen e gazetarëve bëhen vetëm në Rusi, Turqi, Venezuelë e Kubë

Avokati Arianit Koci ka komentuar lidhur me reagimet që janë bërë për raportimin e mediave për rastin e anëtarit të Lëvizjes Vetëvendosje, tanimë i ndjerë, Astrit Deharin.

Pati reagime të shumëta pas raportit zvicrran për ekspertizën e Deharit, i cili ka ardhur në përfundim se gjasat janë të vogla që ai ta ketë vrarë veten në burg.

Ish-drejtori në Komunën e Prishtinës, zyrtari i Lëvizjes “Vetëvendosje”, Hysen Durmishi të stilit diktatorial, ka kërkuar arrestimin e disa gazetarëve.

E avokati Koci ka dalur në krahë të këtyre pronarëve duke thënë se gazetarët s’mund të arrestohen pse kanë shkruar, pse kanë shprehur mendimin e tyre – qoftë edhe i gabuar.

Postimi i plotë:

A ka Asociacion të Gazetarëve në këtë vend? A ka gazetarë? A është dikush që mbron lirinë e mediave? Lirinë e gazetarëve?

Thirrjet për burgosjen e gazetarëve bëhen vetëm në Rusi, Turqi, Venezuelë e Kubë.

Gazetarët s’mund të arrestohen pse kanë shkruar, pse kanë shprehur mendimin e tyre – qoftë edhe i gabuar.

Përndyshe, të vërtetën për Astritin po e kërkojmë të gjithë.

Poashtu, shume prej nesh jemi të pakënaqur se si janë kryer hetimet – prandaj duhen hetime të reja, kredibile dhe profesionale.

Mbi të gjitha, Astriti ka qenë në duar të shtetit.

Por, thirrja për burgosjen e gazetarëve është e papranueshme.