Gjatë rrugës për në Dardhë grupi i xhirimit të Report tv takoi 4 të rinj sirianë ulur tek një pemë në përpjekje për të gjetur një vend ku të strehohen.
Të rinjtë ndihen të frikësuar dhe nuk pranojnë të flasin përpara kamerës por jashtë saj shprehen se kanë më tepër se 14 orë që udhëtojnë në këmbë në temperatura të ulëta dhe kushte aspak të favorshme .
Të rraskapitur ata tregojnë se banorët e zonës i kanë ndihmuar me ushqime e në disa raste edhe me rroba. Qëllimi i tyre është kalimi ne një nga vendet e BE.
Gazetarja e Report Tv Gladiola Hoxha raporton se veç fshatrave Trestenik dhe Kapshticë sirianët kanë gjetur si pikë kalimi edhe Dardhën e Korçës .
