Për herë të tretë që nga 2021, Kosova do të jetë nikoqire e stërvitjes më të madhe ndërkombëtare, të drejtuar nga Ushtria e Shteteve të Bashkuara të Amerikës për Evropë dhe Afrikë – Defender Europe 2025” [Mbrojtësi i Evropës 2025].
Forca e Sigurisë së Kosovës përmes këtij ushtrimi do të tregojë gatishmërinë operacionale dhe shkallën e ndërveprueshmërisë luftarake me vendet partnere dhe të rajonit, përfshirë Shtetet e Bashkuara të Amerikës, Shqipërinë, Kroacinë, Maqedoninë e Veriut dhe Bullgarinë.
Rreth 25 mijë trupa nga 29 vende aleate dhe partnere të NATO-s pritet të marrin pjesë në operacionin e udhëhequr nga Komanda e Ushtrisë Amerikane për Evropë dhe Afrikë.
Kjo është stërvitja më e madhe shumëkombëshe ushtarake që organizohet nga Shtetet e Bashkuara.
Nga sot e deri më 9 qershor, në kuadër të ushtrimit “Defender Europe 25”, do të ketë lëvizje të konvojeve ushtarake nga vend-bazat e Forcës së Sigurisë së Kosovës në drejtim të rajonit të Gjakovës, përkatësisht në Aeroportin e Gjakovës dhe në poligonin ushtarak në Babaj të Bokës.
Ministria e Mbrojtjes u bën thirrje qytetarëve për mirëkuptim gjatë kësaj periudhe, pasi këto lëvizje janë pjesë e realizimit të këtij ushtrimi ndërkombëtar.
Nuk ka pasur kuorum për raundin e parë të votimit të Presidentit. 66 deputetë ishin…
Nuk ka pasur kuorum për propozimet e amendamenteve kushtetuese të propozuara nga presidentja Vjosa Osmani…
Televizioni shtetëror iranian raportoi mbrëmjen e së enjtes se dronët e Gardës Revolucionare ushtria ideologjike…
Deputetët e Kuvendit të Kosovës janë ftuar në seancën lidhur me amendamentet për zgjedhjen e…
Presidenti i Shteteve të Bashkuara, Donald Trump, ka thënë se dëshiron të përfshihet në zgjedhjen…
Presidentja Vjosa Osmani ka njoftuar se të enjten i ka dërguar në Kuvend amendamentet kushtetuese…