Presidenti i Serbisë, Aleksandar Vuçiq do të mbajë sot një “video-takim” me kancelaren gjermane Angela Merkel, përkatësisht ata do kenë një bisedë përmes video-konferencës, ka njoftuar kabineti i presidencës, shkruan “Kurir”.
Kjo formë e video-takimit po realizohet në pamundësi të realizimit të vizitës dy ditore të Vuçiqit në Berlin ku ishte parashikuar takimi me kancelarin Merkel, por që për shkak të rrethanave nga virusi Corona, nuk u realizua.
Vuçiq më herët ka deklaruar për medie se tema bosht e bisedës me Merkel do të jetë Kosova dhe taksat përkatësisht vazhdimi i dialogut si dhe për situatën dhe masat që duhen ndërmarr pas përhapjes së virusit.
Takimi në Berlin ka qenë parashikuar për të dielën edhe të hënën, ndërkohë që biseda do të mbahet në ora 12.00.
