Disa fshatra në rajonin verilindor të Kharkivit janë rikthyer në kontrollin ukrainas, duke ua bërë të mundur gazetarëve që të hyjnë në to.
Një raport rrëqethës nga gazetarët e Associated Press zbulon se trupi i djegur i një burri të paidentifikuar është mbështetur në një barrierë antitank jashtë një qyteti që ka qenë nën kontrollin e të dyja palëve ditët e fundit.
Diku tjetër, trupat e katër ushtarëve të vrarë, me gjasë rusë sipas AP-së, janë rregulluar në atë formë sa kanë formuar shkronjën “Z”, që pasqyron simbolin e pushtimit rus.
Sipas Kryqit të Kuq, gjymtimi i trupave të vdekur në konflikte të armatosura është një krim lufte.
