Krimineli mesjetar Kadyrov: Frikë, vetëm nga Allahu dhe Putini(!)

Mesjetari Ramzan Kadyrov tha se sanksionet kundër tij dhe familjes së tij ishin qesharake dhe se ai nuk kishte frikë nga asnjë masë kriminale përveç atyre që vijnë nga i Plotfuqishmi dhe presidenti rus Vladimir Putin.

Ai përmendi në konferencën edukative “Horizontet e reja”, organizuar nga shoqëria ruse “Dituria”, se as gruaja e tij dhe as vajzat e martuara nuk janë përfshirë ndonjëherë në politikë, por se ndaj tyre janë vendosur sanksione, raportoi TASS.

“Kjo është e vërtetë. Kam frikë nga sanksionet e të Plotfuqishmit dhe ato të Presidentit të Shtetit. Pjesa tjetër është e pakuptimtë”, tha Kadyrov.

Siç dihet tashmë, udhëheqësi çeçen është krah Putinit për agresionin ndaj Ukrainës, ngënjëherë dhe më i ashpër se kreu i Kremlinit.

Por ai konsiderohet një marionetë e Putinit, i cili s’ka mbështetje të gjerë te çeçenët, dikur viktima të një agresioni me përmasa tragjike nga ushtria ruse.

Madje dhe besimi i Kadyrov-it konsiderohet i diskutueshëm në terma të respektimit të parimeve fetare, gjë e cila e ka çuar, sipas shumë komentuesve, që t’i bëhet krah një pushtuesi, dikur të vendit të tij e sot kundër Ukrainës.

Po në terma fetarë, deklarimi i tij i fundit ku barazon Krijuesin me krijesën, është ndë aspektet më të rënda të një besimi me problem.