Presidenti rus Vladimir Putin lëshoi të enjten një paralajmërim për Perëndimin dhe Ukrainën, duke thënë se lufta mund të zvarritet derisa “ukrainasi i fundit të mbetet në këmbë”.
“Sot dëgjojmë se duan të na mposhtin në fushën e betejës. Epo, çfarë mund të them? Le të provojnë”, tha Putin gjatë një takimi me krerët e fraksioneve të partisë së Duma-s së Shtetit që u transmetua në televizionin shtetëror të medias Rusi-24.
“Ne kemi dëgjuar vazhdimisht se Perëndimi është gati të luftojë me ne derisa të lihet në këmbë ukrainasi i fundit. Kjo është një tragjedi për popullin ukrainas. Megjithatë, duket se gjithçka po shkon drejt kësaj”, tha ai.
Putin gjithashtu ka fajësuar Perëndimin për “inkurajimin dhe justifikimin e gjenocidit kundër njerëzve në Donbas”.
“Ne nuk po refuzojmë negociatat e paqes. Por, ata që refuzojnë duhet të dinë se sa më tej konflikti të vazhdojë, aq më e vështirë do të jetë për ta të negociojnë me ne”, tha Putin.
Rajoni lindor i Donbasit është bërë pika kryesore e ambicieve ushtarake të Putinit në Ukrainë, pasi trupat e tij nuk arritën të pushtojnë Kievin në fillim të këtij viti.
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…