Shefi i diplomacisë së Kroacisë, Gordan Grliç Radman, ka inkurajuar sot pesë vendet anëtare të Bashkimit Evropian të njohin pavarësinë e Kosovës.
Ai u shpreh se një akt i tillë do të kontribuonte në stabilizimin e rajonit të Gadishullit të Ballkanit Perëndimor, përcjell Albinfo.ch.
“Kroacia inkurajon pesë anëtarët e tjerë të BE të njohin Kosovën, pasi kjo do të kontribuonte në stabilizimin e rajonit dhe vetë Kosovës,” tha Radman Grliç për gazetarët në konferencën ndërkombëtare GLOBSEC në Bratisllavë, raporton Kosova Press.
Sipas tij, respektimi i integritetit territorial të shteteve është thelbësor për stabilitetin e rajonit.
Ai thotë se kjo gjë mund të bëhet pa pasur nevojë të shkohet në idenë për ndryshim kufijsh, një tezë kjo, e cila ka qarkulluar në media.
“Integriteti territorial i shteteve të Ballkanit duhet të ruhet dhe respektohet, pa rikrijuar kufijtë, siç kemi dëgjuar muajt e fundit duke qarkulluar disa letra të famshme, të cilat ishin të drejtuara në atë drejtim”, tha Radman.
Qipro, Greqia, Rumania, Spanja dhe Sllovakia janë pesë vendet e BE-së që ende nuk pranojnë Kosovën si shtet të pavarur.
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…