Kryediplomati çek Jan Lipavský ka folur në një konferencë për media në Prishtinë pas takimit që kishte me zëvendëskryeministrin Besnik Bislimi.
Lipavský ka thënë se vizita e tij në Prishtinë vjen pikërisht në kohën kur Republika Çeke e ka presidencën e BE-së dhe se një nga prioritetet e tyre është Ballkani Perëndimor duke përfshirë këtu edhe Kosovën.
Ministri i Jashtëm çek është shprehur se se për çështjen e vizave duhet edhe pak punë, por se siç tha ai “janë në rrugë të drejtë që gjejnë përkrahje politike që ky proces të përfundojë, shkruan Gazeta Online Reporteri.net.
Ai tha se presidenca çeke është duke punuar në këtë drejtim dhe se pritjet e tij janë të larta.
“Do të doja të them se masazhi ynë është që vendi juaj mund të llogarisë në përkrahjen çeke në sundimin e ligjit. Kjo është vizita ime e parë në Prishtine dhe vjen në kohën kur Republika Çeke ka presidencën e BE-së dhe dua të them se Ballkani Perëndimor, përfshirë Kosovën është një nga prioritetet tona për sa më shumë progres në çështjen e integrimit, duke përfshirë procesin e vizave. Aty duhet ende punë por jemi në rrugë të drejtë që të gjejmë përkrahje politike që ky proces të përfundoj. Janë disa takime teknike të cilat do të rezultojnë me një vendim pozitiv për Kosovën. Presidenca çeke është duke punuar në këtë fushë dhe jemi duke e përkrahur këtë”, u shpreh ai.
Lipavský tha se nuk mund të japë datë në lidhje për këtë proces, por ka konfirmuar se ka kërkuar edhe qëndrimin e Holandës e cila është një nga shtetet skeptike për liberalizimin e vizave për Kosovën.
Kryediplomati çek ka thënë se Ministri i Jashtëm i Holandës i ka thënë se të rishikojnë së pari aspektet teknike për të marrë vendim në aspektin politik.
“Është proces i cili përbëhet nga aspektet teknik dhe që vendimet politike. BE-ja shumë shpejt do të rishikojë çështjet teknike.
“Është e vështirë të parashikojmë datën. Pritjet e mia nga vendimet politike janë shumë të larta. Është shumë e lartë në agjendën tonë politike. Unë e kam kërkuar nga Ministri i Punëve të Jashtme të Holandës për pozicionin e tij. Ai ka thënë se do të rishikojnë aspektet teknike, dhe pastaj do të vendosin për aspektin politik”, u shpreh ai.
