Ngjarjet e fundit tregojnë se ekziston rreziku real për shpërthimin e konfliktit global, ka thënë të premten kryeministri polak, Donald Tusk, pasi Rusia gjuajti raketë balistike hipersonike me rreze të mesme veprimi në një qytet ukrainas.
“Lufta në lindje po hyn në një fazë vendimtare, ne mendojmë se e panjohura po afrohet”, ka thënë Tusk, raporton Reuters.
“Konflikti po merr përmasa dramatike. Orët e fundit kanë treguar se kërcënimi është serioz dhe real kur bëhet fjalë për konfliktin global”, ka shtuar ai.
Polonia, e cila kufizohet me Ukrainën, Rusinë dhe Bjellorusinë, ka qenë zë kryesor që u bën thirrje anëtarëve të NATO-s të shpenzojnë më shumë për mbrojtjen. Vetë ka ndarë 4.7 për qind të prodhimit të brendshëm bruto (PBB) për të rritur forcat e armatosura në vitin 2025.
Kryeministri polak nuk është i vetmi që e sheh konfliktin në rritje midis Rusisë dhe Ukrainës në terma ogurzi. Një shef i lartë ushtarak i Mbretërisë së Bashkuar ka thënë të enjten se forcat e armatosura të Britanisë do të jenë gati të luftojnë ushtrinë ruse “sonte” nëse Putini pushton një vend tjetër të Evropës Lindore.
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…
Presidenti Donald Trump mirëpriti të enjten një grup pasotrësh në Zyrën Ovale një grup klerikësh…
“Edhe të pasurit qajnë në kohë lufte.” Konflikti i fundit në Lindjen e Mesme po…
Shefja e Grupit Parlamentar të Vetëvendosjes, Arbërie Nagavci, e ka komentuar deklaratën e Vjosa Osmanit,…