Forcat ukrainase kanë nisur një kundërofensivë në jug të vendit, me qëllim që të shtyjnë trupat ruse përtej lumit Dnieper dhe të rimarrin qytetin e Khersonit, thanë autoritetet lokale ukrainase.
“Sot pati sulme të forta artilerie në pozicionet e armikut në të gjithë territorin e rajonit të pushtuar Kherson,” tha për mediat ukrainase deputeti lokal dhe këshilltari i guvernatorit rajonal, Serhiy Klan.
“Ky është njoftimi i asaj që kemi pritur që nga pranvera: është fillimi i fundit të pushtimit të rajonit Kherson”, shtoi Klan.
Duke qenë se lufta në Ukrainë po vazhdon prej gjashtë muajsh, javët e ardhshme mund të jenë vendimtare.
Ukraina është zotuar të dëbojë rusët nga territori që ata kanë kapur që nga fillimi i pushtimit, duke përfshirë rajonin jugor të Khersonit, ndërsa Moska është zotuar të mbajë ato zona dhe të kapë edhe më shumë territor.
📽️Ukrainian artillery hitting hard occupied Nova Kakhovka, #Kherson Oblast tonight.#UkraineRussiaWar pic.twitter.com/dyu8VOpslc
— MilitaryLand.net (@Militarylandnet) August 29, 2022
