Një drejtor muzeu është detyruar të japë dorëheqjen pasi kundërshtoi një kërkesë të Donald Trump për t’i dhuruar një shpatë nga koleksioni i muzeut, Mbretit Charles III, gjatë vizitës së fundit të presidentit amerikan në Britani, raportuan mediat amerikane.
Todd Arrington dha dorëheqjen të hënën pasi iu dha një ultimatum për “të dhënë dorëheqjen ose të shkarkohej nga puna”, tha ai për televizionin CBS, pa specifikuar se kush e dha urdhrin.
Drejtori në largim i muzeut hodhi poshtë një kërkesë të Shtëpisë së Bardhë për t’i dhuruar një nga shpatat e Dwight Eisenhower Mbretit Charles III gjatë vizitës së fundit të presidentit të SHBA-së në Britani – një dhuratë që do të simbolizonte marrëdhënien e veçantë midis dy aleatëve.
Muzeu Eisenhower, dedikuar ish-presidentit të 34-të SHBA-së (1953-1961), ndodhet në Abilene, Kansas.
Përpara se të bëhej president në vitin 1953, Eisenhower udhëhoqi forcat aleate kundër Gjermanisë naziste. Administrata Trump përfundimisht i dhuroi Mbretit Charles një kopje të shpatës.
Agjencia Franceze e Lajmeve (AFP) kërkoi koment nga një zëdhënës i Shtëpisë së Bardhë, por nuk mori përgjigje.
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…