Kandidatja e opozitës më me ndikim VMRO-DPMNE në zgjedhjet presidenciale në Maqedoninë e Veriut, Gordana Siljanovska-Davkova, e cila fitoi më shumë se 40 për qind të votave në raundin e parë zgjedhor për president të Maqedonisë së Veriut, është juriste dhe profesore në universitet.
Ajo do të ndeshet me presidentin aktual të Maqedonisë, Steve Pendarovski, në raundin e dytë zgjedhor më 8 maj. Ajo ka lindur më 11 maj 1953 në Ohër të RSFJ-së së atëhershme. Ajo ishte kandidate për kryetare të VMRO-DPMNE-së në zgjedhjet e fundit presidenciale të mbajtura në vitin 2019 kur u mund nga Pendarovski.
Shkollimin fillor dhe të mesëm e kreu në Shkup. Ajo u diplomua në Fakultetin Juridik të Universitetit të St. Cirili dhe Metodi në Shkup në vitin 1978, ku edhe magjistroi.
Ajo mori doktoraturën në Universitetin e Lubjanës. U zgjodh asistente në kursin “Sistemi politik” në Fakultetin Juridik në Shkup (1989) dhe profesoreshë e asocuar në kursin E drejta kushtetuese dhe sistemi politik (1994).
Ajo u bë profesoreshë e rregullt në vitin 2004. Ajo ishte anëtare e Komisionit Kushtetues të Kuvendit të Republikës së Maqedonisë (1990–1992) dhe ministre pa portofol në kabinetin e parë të Branko Cërvenkovskit (1992–1994). Ajo ishte eksperte e OKB-së dhe nënkryetare e Grupit të Pavarur për Vetëqeverisje Lokale të Këshillit të Evropës. Ajo ishte gjithashtu anëtare e Komisionit të Venecias.
Është autor e dhejtra punimeve shkencore për të drejtën kushtetuese dhe sistemin politik.
Në periudhën 2017-2018, si personazh publik, ajo kundërshtoi miratimin e ligjit për zgjerimin e gjuhës shqipe. Në konferencën e VMRO-DPMNE-së në Strugë, ajo u propozua si kandidate e partisë për zgjedhjet presidenciale të vitit 2019. Pas nominimit, ajo më pas premtoi se nëse fitonte, do të niste një referendum të dytë dhe do të rivendoste emrin e vjetër të vendit.
