Xhavit Haliti vazhdon të heshtë që nga 6 tetori, data kur u mbajtën zgjedhjet parlamentare në Kosovë.

I forti i PDK-së në Dukagjin ka dështuar kësaj radhe të futet deputet duke mos marrë numrin e duhur të votave për mandatin në kuvend.

Indeksonline ka kontaktuar Halitin për ta pyetur për numrin e votave që ka marrë dhe faktin nëse edhe zyrtarisht ai ka mbetur jashtë parlamentit.

“KQZ merret me atë punë, jo kandidatët. Jam jashtë Kosovës dhe nuk kam informacione” ka thënë shkurt Haliti.

Haliti ka siguruar 2540 vota në Pejë duke patur rënie të madhe në qytetin e tij.