Gjatë ditës së sotme u raportua se Serbia ka pranuar të pezullojë fushatën për çnjohje.
Radio Evropa e Lirë në gjuhën serbe raporton se ky hap është ndërmarrë në kuadër të normalizimit të marrëdhënieve që do të çonin edhe në rifillimin e dialogut.
Mirëpo, Ministri i Punëve të Jashtme të Serbisë, Ivica Daçiq, e mohoi këtë informacion, duke thënë se bëhet fjalë për një “gënjeshtër të madhe”, transmeton Reporteri.
“Serbia nuk e ka ndalur fushatën për tërheqjen e njohjeve dhe as nuk do të ndalet nëse të gjithë të tjerët nuk ndalojnë fushatën për njohjen e të ashtuquajturës Kosovë”, theksoi Daçiq për Tanjugun serb.
Gjatë ditës po ashtu u raportua se i Dërguari i Posaçëm i BE-së për Dialogun midis Beogradit dhe Prishtinës, Miroslav Lajcak gjatë këtij muaji pritet të zhvillojë një vizitë në Prishtin e Beograd.
